Pas emërimit si drejtor i Galerisë Kombëtare të Arteve, Erzen Shkololli, ka pohuar se është një nder i veçantë për të, ndërsa thekson se do të përkushtohet që në skenën artistike t’i jap shtytje kësaj fryme.
“Është nder i veçantë për mua që të pranoj emërimin nga Qeveria e Republikës së Shqipërisë për të udhëhequr Galerinë Kombëtare të Shqipërisë në këtë moment të veçantë për artin shqiptar kur Shqipëria dhe shqiptarët po e zënë vendin e tyre të pamohueshëm në Evropë dhe në botë.
Jam i përkushtuar që në skenën artistike t’i jap shtytje kësaj fryme, i bindur që arti shqiptar është pjesëza qe kompleton mozaikun e pasur të krijimtarisë evropiane dhe botërore.
Vizioni im për të ardhmen e Galerisë së Shqipërisë është ta shndërroj në qendër graviteti, si për prurjet bashkëkohore në art ashtu edhe për talentin vendor që viteve të fundit ka qenë përfaqësuesi më i mirë dhe më i denjë i vlerave kombëtare”.
Lexo edhe: Artisti kosovar që do të drejtojë Galerinë Kombëtare të Arteve